Sansek bere hirugarren partidua galdu du jarraian, eta zuzeneko aurkariak gero eta hurbilago daudela ikusten du Bigarren B Mailako II. multzoko sailkapenean. Egia esateko norgehiagoka irabaztea merezi izan dute Luancoko Miramar estadioan, baina emaitza txar honekin (1-0 irabazi du Marinok) Ponferradina bere parean kokaturik dago orain. Sansek hainbat aukera sortu ditu aurretik jartzeko, batez ere lehen zati on batean. Díaz de Ceriok alferrik galdu ditu bi hoberenak, Jabuti aurrelari asturiarrak ezbezala, honek 30. minutuan buruz erdiraketa bat gauzatu duelarik partiduko gol bakarra sartuz. Bigarren zatian bihotza burua baino gehiago izan da Sanseren norabidea markatu duenak. Hala ere Oskitzek, Elustondok eta Díaz de Ceriok abaguneak gozatu dituzte defentsiboki hobeto aritu den Marinoren aurrean. Aurkariak ere bere aukera garbia izan du, baina Bordak baloia urruntzeko gai izan da azkenean. Real Bk nahi duena krisialdi txiki honetatik ateratzea da, hurrengo asteburuan hain zuzen. Derbia jokatuko du etxean: Sanse-Athletic B.